რა ღირდა სხვადასხვა ბრენდების ლოგოების შემუშავება?

ლოგო, კომპანიის სტრატეგიული განვითარების მთავარი ელემენტია, მისი იმიჯია, უფრო მარტივად რომ ვთქვათ კომპანიის სახეა. ამა თუ იმ ბრენდის აღქმა მომხმარებლის მიერ სწორედ ლოგოს მეშვეობით ხდება და ამავე ბრენდთან ურთიერთობის ჩამოყალიბებასა და მომხმარებლის ემოციებს სწორედ ლოგო განსაზღვრავს. ზოგიერთ ბრენდს ლოგოს შექმნა მილიონები დაუჯდა, მაშინ, როცა ისეთი კომპანიებიც არსებობდა, რომლებმაც ლოგოს შექმნაში მხოლოდ 15$ გადაიხადეს. ზოგი კი სულაც არაფერს ხარჯავდა. ქვემოთ მოცემულია რამდენიმე ცნობილი კომპანიის მიერ ლოგოში გადახდილი თანხის ოდენობა.


     1. Google
     დახარჯულია: 0 $
მიუხედავად იმისა, რომ გუგლის ლოგო რამდენიმე წლის განმავლობაში იცვლებოდა, თავდაპირველი დიზაინი კომპანიის თანადამფუძნებელმა, სერგეი ბრინმა, 1998 წელს, პროგრამა GIPM-ში შექმნა. სხვა პროტოტიპებს კი, პეიჯისა და ბრინის საერთო მეგობარი, რუტ კედარი ამზადებდა. რა თქმა უნდა უფასოდ.

     2. Coca-Cola
     დახარჯულია: 0 $
კოკა-კოლას ცნობილი ლოგოტიპი, ამავე კომპანიის დამაარსებელმა პარტნიორმა, ბუღალტერმა მ. რობინსონმა, 1886 წელს, შექმნა. ოფიციალური საიტის მიხედვით, რობინსონმა კოკა-კოლას ეს ლოგო იმიტომ "შესთავაზა", რომ ორი ასო "C" ერთად კარგად გამოიყურებოდა. მას უნიკალური ლოგოს შემუშავება სურდა, ამიტომაც ძალიან ცდილობდა, მანამ, სანამ სპეციალური ხელნაწერი ფონტი "Spencerian" არ შექმნა, რომელიც იმ დროისთვის დამახასიათებელ ხელნაწერს ასახავდა.

     3. Twitter
     დახარჯულია: 15 $
დღეს მსოფლიოში ყველაზე ცნობადი ფრინველი (ჩიტი) კომპანიამ ფოტო სურათების ბანკში 15 დოლარად შეიძინა . სურათის ავტორი იაპონიაში მცხოვრები ბრიტანელი მხატვარი სეიმონ ოქსლია. მან ნამუშევრის სანაცვლოდ 6 დოლარი მიიღო. დროთა განმავლობაში Twitter-ის ჩიტმა გარკვეული ცვლილებები განიცადა და უფრო თანამედროვე იერი მიიღო.

     4. Nike
     დახარჯულია: 35 $
კომპანიის თანადამფუძნებელმა, ფილ ნაითმა ნაიკის ცნობილი ლოგო 1971 წელს, სტუდენტი გოგონასგან შეიძინა, რომელიც გრაფიკული დიზაინის ფაკულტეტზე სწავლობდა. ნაითმა, რომელიც ამ გოგონას უნივერსიტეტში ლექციებს კითხულობდა, საათში 2 დოლარი შესთავაზა იმისათვის, რომ მას დიაგრამები და ლოგოები ეხატა. "მე არ მომწონს, მაგრამ იმედია ოდესღაც მომეწონება" - თქვა ნაითმა ნაიკის ლოგოზე და გოგონას 35 დოლარი გადაუხადა.

     5. Pepsi
     დახარჯულია: 1'000'000 $
ლოგო სტუდია Arnell Group-მა 2008 წელს გაანახლა.

      6. BP (British Petroleum)
     დახარჯულია: 211'000'000 $
2008 წელს კომპანია BP-მ ლოგოში 211 მილიონი დოლარი გადაიხადა. სარეკლამო სააგენტო Ogilvy & Mather ისე უნდა შეეცვალა დიზაინი, რომ ხალხს ამ კომპანიის ნდობის სურვილი გასჩენოდა.